នាថ្ងៃទី24 ខែសីហា ឆ្នាំ2021 អគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា បានសហការជាមួយទីភ្នាក់ងារជាតិមុខរបរ និងការងារ (NEA) រៀបចំវគ្គបណ្តុះបណ្តាលអនឡាញ ស្តីពីជំនាញទន់ (Soft Skill) សម្រាប់យុវជន។
វគ្គបណ្តុះបណ្តាលនេះធ្វើឡើងដើម្បីផ្តល់ជាចំណេះដឹងបន្ថែមដល់សិក្ខាកាមឱ្យយល់កាន់តែច្បាស់អំពីជំនាញទន់ និងអត្ថប្រយោជន៍នៃជំនាញទន់ក្នុងការដោះស្រាយបញ្ហា ការទំនាក់ទំនង និងការបំពេញការងារជាក្រុម នឹងសម្រាប់យកទៅអនុវត្តក្នុងអង្គភាព ឬកន្លែងដែលខ្លួនធ្វើការប្រកបដោយទំនុកចិត្ត។ សិក្ខាកាមចូលរួមសរុបមានចំនួន 21នាក់ ក្នុងនោះស្រី 13នាក់ ដែលជាយុវជនទើបបញ្ចប់ការសិក្សា និងកំពុងធ្វើការស្ម័គ្រចិត្តនៅតាមអង្គភាពនានា៕
