ថ្ងៃអង្គារ ៤ កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤ ពេលព្រឹកវេលាម៉ោង ៧:០០-១១:០០ ធ្វើនៅវិទ្យាស្ថានពាណិជ្ជសាស្រ្ដ (NIB) អគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា បានសហការ ជាមួយ ទីភ្នាក់ងារជាតិមុខរបរ និងការងារ (NEA) និងសហភាព សហព័ន្ធយុវជន កម្ពុជាវិស័យការងារ និងបណ្តុះបណ្តាលវិជ្ជាជីវៈ បានការរៀបចំសិក្ខាសាលាស្ដីពី «ការត្រៀមលក្ខណៈសម្បត្តិចូលទីផ្សារការងារប្រកបដោយប្រសិទ្ធភាព»។
គណៈធិបតី និងសមាសភាពគ្រូឧទ្ទេសរួមមាន៖
១.លោកស្រី អ៊ូ ព្រំសុធារី នាយិការង វិទ្យាស្ថានជាតិពាណិជ្ជសាស្រ្ដ (NIB)
២.លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញ នៃ NEA
៣.លោក ស៊ែម រស្មី សហការីផ្នែករៀបចំការសិក្សា និងអភិវឌ្ឍន៍បុគ្គលិក នៃធនាគារ ជីបម៉ុង
៤.លោក ខាន់ គឹមហួន ប្រធានការិយាល័យប្រមូល និងគ្របគ្រងទិន្នន័យ នៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា
សិក្ខាសាលានេះរៀបចំឡើងដើម្បីបង្កើនចំណេះដឹងបន្ថែមដល់សិស្ស-និស្សិត រួមមាន៖
១.បច្ចុប្បន្នភាពសេដ្ឋកិច្ច ទីផ្សារការងារ ប្រាក់ឈ្នួល និងប្រាក់ឈ្នួលអប្បបរមា នៅកម្ពុជា
២.បច្ចុប្បន្នភាពអំពីការវិវឌ្ឍន៍ និងយន្តការនៃការកំណត់ប្រាក់ឈ្នួលនៅកម្ពុជា
៣.បង្កើនចំណេះដឹងអំពី ការត្រៀមខ្លួនចូលទីផ្សារការងារ និងឱកាសការងារ ដល់សិស្ស-និស្សិត ដែលមានចំណាប់អារម្មណ៍ ឬកំពុងសិក្សាមុខជំនាញពាក់ព័ន្ធ
៤.ព្រមទាំងចែកជូននូវសៀវភៅព្រឹត្តប័ត្រព័ត៌មាន របស់ក្រសួងការងារ និងបណ្តាលវិជ្ជាជីវៈផងដែរ។
