ក្រុមប្រឹក្សាជាតិប្រាក់ឈ្នួល​អប្បបរមា

ក្រុមប្រឹក្សាជាតិប្រាក់ឈ្នួលអប្បបរមា (ក.ជ.ប.អ.) ត្រូវបានបង្កើតឡើងដោយអនុក្រឹត្យលេខ៧៥ អនក្រ.បក ចុះថ្ងៃទី០៥ ខែមិថុនា ឆ្នាំ២០១៩ ជាយន្តការត្រីភាគីដែលមានសំឡេងស្មើៗគ្នា (ភាគីរាជរដ្ឋាភិបាល ១៧នាក់ ភាគីតំណាងកម្មករនិយោជិត ១៧នាក់ និងភាគីតំណាងនិយោជក ១៧នាក់) ដើម្បីធានាដល់ការអនុវត្តច្បាប់ស្តីពីប្រាក់ឈ្នួលអប្បបរមា និងការចរចាប្រាក់ឈ្នួលអប្បបរមា ប្រាក់ឈ្នួល និងអត្ថប្រយោជន៍ផ្សេងៗរបស់កម្មករនិយោជិត។

ក.ជ.ប.អ. មានរដ្ឋមន្រ្តីក្រសួងទទួលបន្ទុកវិស័យការងារ ឬតំណាង ១រូប នៃក្រសួងទទួលបន្ទុកវិស័យការងារ ជាប្រធានក្រុមប្រឹក្សាជាតិប្រាក់ឈ្នួលអប្បបរមា និងមានអនុប្រធានចំនួន ២រូប ដែល ១រូបជ្រើសចេញពីសមាសភាព តំណាងភាគីកម្មករនិយោជិត និង ១រូបទៀត ជ្រើសចេញពីសមាសភាពតំណាងភាគីនិយោជក តាមរយៈការបោះឆ្នោត ផ្ទៃក្នុងរបស់ភាគីនីមួយៗ។

សមាជិកពេញសិទ្ធិក្រុមប្រឹក្សាជាតិប្រាក់ឈ្នួលអប្បបរមា អាណត្តិទី២ មានសមាសភាពដូចខាងក្រោម៖

ក្រុមប្រឹក្សាជាតិប្រាក់ឈ្នួលអប្បបរមាមានតួនាទី និងភារកិច្ចដូចខាងក្រោម៖

• សិក្សាស្រាវជ្រាវតាមបែបវិទ្យាសាស្ត្រនូវរាល់កិច្ចការទាំងឡាយដែលទាក់ទងនឹងប្រាក់ឈ្នួល​អប្បបរមា ប្រាក់ឈ្នួល និងអត្ថប្រយោជន៍ផ្សេងៗ
• សម្របសម្រួលនិងបង្កលក្ខណៈងាយស្រួលដល់ភាគីពាក់ព័ន្ធក្នុងការសិក្សាស្រាវជ្រាវ និងការប្រជុំពិភាក្សាអំពីប្រាក់ឈ្នួលអប្បបរមា​ ប្រាក់ឈ្នួល និងអត្ថប្រយោជន៍ផ្សេងៗ
• ផ្ដល់អនុសាសន៍អំពីប្រាក់ឈ្នួលអប្បបរមា ប្រាក់ឈ្នួល អត្ថប្រយោជន៍ផ្សេងៗ និងវិសាលភាពនៃការអនុវត្តប្រាក់ឈ្នួលអប្បបរមាជូន រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
• ផ្សព្វផ្សាយនិងលើកកម្ពស់ការយល់ដឹងនិងការសន្ទនាសង្គមអំពីការកំណត់ប្រាក់ឈ្នួលអប្បបរមា ប្រាក់ឈ្នួល និងអត្ថប្រយោជន៍ផ្សេងៗ
• អនុវត្តភារកិច្ចផ្សេងទៀត​តាមការកំណត់របស់រដ្ឋមន្ត្រីក្រសួងការងារ ​និងបណ្តុះបណ្តាលវិជ្ជាជីវៈ ពាក់ព័ន្ធ​នឹងប្រាក់ឈ្នួល។ឯកសារយោង៖
• ច្បាប់ស្តីពីប្រាក់ឈ្នួលអប្បបរមា
• ប្រកាស​ស្តីពីការតែងតាំងសមាជិកក្រុមប្រឹក្សាជាតិប្រាក់ឈ្នួលអប្បបរមា អាណត្តិទី២